Talofa lava !

 

 

O sionara masani e iai o nei: tala, solo, pese ma tauloto a tamaiti.  I na ulutala taitasi le isi vaevaega e pei o tala pupuu, tala uumi, tala moni ma tala fatu, ma tulaga faapena. E pule le tusitala i lana sionara tusitusi, ua silafia foi e le tusitala le matutua o lana aufaitau ma tusi faatatau aga'i i ai.

 

E mafai ona toe lolomi se tala na uluai lomia e ala i le faatagaga a le tusitala poo le ana le puleiata o se galuega.

 

E tolu auala e mafai ona e fesoasoani ai i lenei atina'e.

1.  I le ofoina fua mai o sau galuega e avea ma se totino o lenei galuega faaputu; o lou sao mo tupulaga lalovaoa.  

2. I le faalauiloaina o sau galuega ma le faamoemoe e faatauina atu i tulaga faapisinisi mulimuli ane; I le faiga lona lua lea, o le a iai  ni aiaiga e taialaina ai.

3. I le tuuina mai o se faila o galuega (a se vasega poo se a'oga foi) e faailoa i lenei itulau i se totogi taugofie.

 

Mo le silafia, e le o galuega uma e tuuina mai o le a talia e avea ma se vaega o lenei poroketi; peitai ua noatia le filifiliga i sini ma mafuaaga taua na afuaina ai, e le gata foi i lea a o le matau i le tu ma le gagana faaaloalo.

 

Mo le saga faapupulaina o lenei faaaliga e fiafia e tali atu i se fesili e tuuina mai.

 

E tuuina atu ai ma le faaaloalo tele.